بالصور بشرى تحتفل بكتاب كوابيس سعيدة

بالصور بشرى تحتفل بكتاب كوابيس سعيدة













إمبارح الأحد كان حفلة توقيع كتاب "كوابيس سعيدة" أو الفيلم المقروء كوابيس سعيدة، وحضر الحفلة الفنانة بشري وعدد من الصحفيين والإعلاميين، وصرح شريف بإن الكتاب هو تجربة جديدة جمعت مابين عدد كبير من النجوم منهم الفنان أحمد حلمي وبشري ومنة شلبي وخالد الصاوي ومحيي اسماعيل ولطفي لبيب وغسان مطر، حيث هيتعاونوا مع بعض في عمل فني جديد ومختلف بعنوان "كوابيس سعيدة" وهو "فيلم مقروء" للمؤلف شريف عبد الهادي.

وصرح شريف بإن كوابيس سعيدة هو تجربة أدبية فنية جديدة علي الادب المصري والعربي وهو ضمن مشروع بعنوان "أفلام للقراءة" وبيقدم عمل فني معمول بطريقة عرض السينما ولغة الرواية ومن بطولة نجوم السينما وده هيخلي القارىء يحس إنه بيتفرج علي فيلم وهو بيقرأ، وأضاف بإن الشخصيات المقدمة معمولة بشكل يتناسب مع طبيعية الشخصية الحقيقية عشان يكون في مصداقية.

وقال شريف بإن الفكرة اتكتبت من 3 سنين وحاول إنه يعرضها علي عدد من النجوم وشركات الإنتاج إلا إنه في النهاية متمش تنفيذ الفكرة، وبعد كده شارك بالسيناريو في مسابقة ساويرس الثقافية لعام 2009 وحصل علي إعجاب لجنة التحكيم اللي كانت بتضم المخرج د.سمير سيف ودخل السيناريو ضمن أفضل 10 سيناريوهات متقدمة للمسابقة، وبعد كده اتقدم بالسيناريو لدار نهضة مصر للنشر والتوزيع بفكرة "أفلام مصرية للقراءة" ووافقت دار النشر ولما اتعرضت علي عدد من الفنانين وافقوا عليها.

وبتدور أحداث الفيلم حوالين سامح رسام الكوميكس صاحب الشخصية الضعيفة لحد مايسمع عن ظاهرة الاسقاط النجمي اللي بتخلي الواحد يقدر يخرج بروحه من جسده ويكون طيف محدش بيشوفه أو يسمعه وتبدأ الاحداث لما يطوف في العالم ويواجه كل الحاجات اللي بيخاف منها ويشوف اسرار العالم اللي حواليه.