طريقة عمل مخ بانيه

طريقة عمل مخ بانيه











مخ بانيه



المقادير:

مخ كامل

دقيق وبقسماط للتحمير

2 ملعقة كبيرة سمنة

ملح وفلفل

بيضة





الطريقة:

1- اغسلي المخ كويس، وبعد كده اسلقيه في ميه مغلية مضاف ليها ملح وفلفل وكمون، وبعد ما المخ يستوي طلّعيه من الميه وحطّيه في طبق غويط فيه ميه مثلّجة وشوية تلج علشان ما يتهريش منك وإنتي بتحمّريه.



2- سيبي المخ في الثلج لمدة 5 دقايق، وبعد كده ارفعيه وقطّعيه شرائح عريضة.



3- اخفقي البيض مع شوية ملح وفلفل في طبق لوحده، وحطّي الدقيق في طبق والبقسماط في طبق تاني.



4- غطّي شرائح المخ بالدقيق وبعد كده حطّيه في البيض وبعدين في البقسماط، وبعد كده حمّريه في السمنة على الجانبين لحد ما لونه يبقى دهبي، وبعد كده ارفعيه على مناديل ورقية علشان تتشرّب المادة الدهنية، وبعدين قدّميه مع بطاطس محمّرة.. وبالهنا والشفا.