طريقة عمل فطيرة قرع العسل

طريقة عمل فطيرة قرع العسل

المقادير:

1½ كوب دقيق

½ ثمرة قرع عسل

½ كوب زبدة مقطّعة مكعبات

½ ملعقة صغيرة قرنفل مطحون

½ ملعقة صغيرة جوزة الطيب

2 ملعقة صغيرة قرفة

ملعقة صغيرة فانيليا

2 ملعقة كبيرة سكر

1½ كوب لبن

4 بيضة

ملح

الطريقة:

1- اغسلي قرع العسل وقشّريه وقطّعيه مكعبات صغيرة واسلقيه، وبعد كده اهرسيه كويس أوي.

2- قلّبي الدقيق مع الملح والفانيليا والسكر وضيفي عليها الزبدة، وافركيها بإيدك لحد ما تحسّي إنها متماسكة، وبعد كده اخفقي بيضة واحدة وضيفيها على العجينة، وامزجيهم مع بعض كويس.

3- حطّي العجينة في كيس بلاستيك، ودخّليها الثلاجة لمدة 30 دقيقة.

4- اخفقي باقي البيض وضيفيه على القرع واخلطيهم كويس، وضيفي معاهم القرفة وجوزة الطيب والقرنفل واللبن، واخلطيهم كويس.

5- هاتي صينية وادهنيها بمسحة خفيفة من الزبدة، وطلّعي العجينة من الثلاجة وافرديها في الصينية وساوي أطرافها كويس، وخرّميها بالشوكة في أماكن مختلفة.

6- افردي طبقة القرع على العجينة، ودخّلي الصينية في الفرن لمدة 45 دقيقة لحد ما تتماسك كويس، ويبقى لونها بني خفيف وخرّجيها، وممكن تقدّميها سخنة أو باردة.. وبالهنا والشفا.