جرنال"ديلي ميل" البريطاني نشر بشكل حصري أول صورة لمنتج الفيلم المسيء للرسول محمّد، وبيظهر فيها سام باسيل مع ممثلة رئيسية في الفيلم وهي آنا جورجي اللي قالت إنها ضللت.وقال الجرنال إنها اخدت الصورة دي بشكل حصري لباسيل المعروف كمان باسم نكولا باسيلي نكولا مع نجمة الفيلم آنا جورجي، اللي قالت إنها اتعرّضت للغش من المنتج .
واكدت جورجي انها خايفة من فكرة الانتقام وانها اتخدعت من نكولا وقالت لديلي ميل"كنت بألعب دور أصغر عروسة لشخصية اسمها جورج.. ومكنش عندي أدنى فكرة أن جورج هيتغيّر لمحمد.. وبسبب الموضوع ده انا محجوزة في بيتي وخايفة من الناس في الشرق الأوسط لانهم بيلوموني".
وأضافت "أنا مسيحية وافتكرت أنه معنديش حاجة ضد الإسلام.. لكن دلوقتي أنا بتناول الحبوب المساعدة على النوم وباعيط من أيام، وحاسة اني مخدوعة.. الناس بيشوفوا الفيلم القبيح ده "، وقالت إنها وزملاءها الممثلين في الفيلم، كانوا فاكرين أنهم بيمثلوا في فيلم اسمه "دزرت واريور" او محارب الصحراء ، واكدت ان سام مناقش أبداً مسألة الدين..وذكرت أنها اتقاضت على اليوم الواحد 75 دولار، وكل مشاهدها كانت مع جورج ورا الشاشة الخضراء، واكدت انه محدش منهم كان عنده اي فكرة عن وجود جدول اعمال سري " .
Aucun commentaire:
Enregistrer un commentaire