مرتضى منصور يصف مستشار الرئيس بالحمار

مرتضى منصور يصف مستشار الرئيس بالحمار









المستشار مرتضى منصور فجر مفاجأت كتيرة في لقاؤه مع الاعلامي وائل الابراشي في برنامج العاشرة مساءا اللي بيتذاع علي قناة دريم ومنها ان الدكتور عصام العريان نائب رئيس حزب الحرية والعدالة، متورط في قضية تجارة عملة بسبب علاقته بـ ''أحمد الريان'' رجل الأعمال المشهور، وأشرف السعد المدانون في قضايا توظف الأموال والعملة، وقام العريان بزيارته في بيته قبل كده بسبب القضايا دي ، وكان مندهش من تغيير مواقفه الثورية.

ووجه منصور رسالة إلى المستشار محمد فؤاد جاد الله، المستشار القانوني للدكتور محمد مرسي رئيس الجمهورية بأنه يمشي ويستقيل وقال'' لو بتحب الرئيس الدكتور محمد مرسي أمشي'' واتهمه بأنه سبب التخبط القانوني جوه مؤسسة الرئاسة واللي أدى لأزمة إقالة النائب العام المستشار عبد المجيد محمود.

وانتقد منصور بشكل مباشر الدكتور سيف عبدالفتاح مستشار رئيس الجمهورية واتهمه بانه اتسبب في أزمة إقالة النائب العام وقال ليه نصاً ''أنت حمار وعميل لقطر واللي جابك وشغلك في مصر أحمد منصور اللي بيشتغل في قناة الجزيرة، واللي بيوجهوا النصح لرئيس الجمهورية بيتميزوا بالجهل الشديد''.

وعن تفاصيل براءة متهمين موقعة الجمل وقال "قضية موقعة الجمل قضية وهمية واكد تضارب مواعيد دخول واحد من الشهداء فى المستشفى بالاضافة لتضارب تقرير طبيب في المستشفى اللى اكد أن واحد من الضحايا اتوفى نتيجة حادثة عربية بالرغم من ان تقرير الطب الشرعى قال انه اتوفى نتيجة طلق نارى بالرأس بالإضافة لعدد كبير من الثغرات القانونية .

وأكمل مرتضي منصور كلامه وقال " لازم مستشار التحقيق محمود السبروت يتحاكم لانه هو اللى ضيع حق الشهداء وانا اتهمته بالتزوير و أهدار دم الشهداء وطلبت من وزير العدل انتداب قاضى للتحقيق وفعلا انتدبوا المستشار مصطفى ابو طالب وهو اللي حقق معانا فعليا ، وأطالب الرئيس مرسى بعمل لجنة جديدة محترمة لتحقق وتعرف مين اللى بوظ القضية لان ده خلط متعمد فى القضية دي ".

وفي الحلقة حصلت خناقة علي الهوا بين المستشار مرتضي منصور، والدكتور سيف عبد الفتاح مستشار رئيس الجمهورية، لما قال مستشار الرئيس في مداخلة تليفونية ليه بأنه هيقاضيه علي اللي قاله في حقه وهاجم المستشار مرتضى منصور الدكتور سيف عبد الفتاح واتهمه بانه عميل لدولة قطر واكد أن وجوده جوه قصر الرياسة بيستوجب عليه انه مايتهمش الناس بحاجة مش موجودة فيهم وانه لازم يمسك لسانه و رد عليه الدكتور سيف عبد الفتاح وقال " مش هارد عليك ومش هادخل في تراشق معاك فانفعل عليه مرتضي منصور واتهمه بالكذب .