غادة عادل محتارة بين فيلمين من انتاج واخراج زوجها

غادة عادل محتارة بين فيلمين من انتاج واخراج زوجها











غادة عادل هترجع للسينما بعد عرض مسلسلتها "سر علني" و"فرح العمدة" في رمضان اللى فات ، و بتفاضل غادة دلوقتى بينفيلمين من إنتاج وإخراج مجدي الهواري، الأول هو "نادية روكسي" وبتلعب فيه دور بنت فقيرة بتشتغل بياعة في محل من محلات روكسي.

أما الفيلم التاني فهو "حلو البحر" تأليف محمد ناير، وبيدور حوالين بنت بتكتشف فجأة أن والدها اللى عايشه معاه مش ابوها الحقيقي، و بتقابل أربع رجال بتشك في أن واحد فيهم هو والدها وبتنتهي أحداث الفيلم بمفاجأة.

ومن ناحيته قام المخرج مجدي الهواري بترشيح الفنانين في أدوار الآباء الأربعة وهما عمر الشريف ويحيي الفخراني ومحمود حميدة وعزت أبو عوف، ورغم قوة فكرة الفيلمين إلا أن غادة أقرب لـ "نادية روكسي" لأن الفيلم التاني يحتاج لـ ميزانية ضخمة جداً للإنتاج، و الأبطال الأربعة لسه مقرروش لحد دلوقتى سواء بالموافقة أو الرفض.